الوادم قبل من تسولف تكول (سالفتي الهه رباط)، هسه صرنا نمشي وره كال فلان وسوه علان!!!، ويمدح بفلان ويعرفني فلان ومن عشيرتي زويد واقاربي احميد ، وهوه مايمشي خطوه الابشور مرته واذا خزرته( يببببب و ل )عله روحه حشاكم.
ويدافع عن عضو في حركه، ومطهرجي في وزارة الصحه، والمحافظ خوش ادمي، وشيخ فلان البسمله والاستغفار ما طيح من حلكه ، وهذا بايام صدام شبع رجال المخابرات "بوكسات" وشرد من ايديهم ، وهذا بن خير ولازم يصير بهذا المنصب ، وهذا زارنا قبل السقوط وسويتله عزيمه مركة بتيته ومن صار التغيير انتظرت اقابله وماحب ايقابلني، وسكرتير قال لي السيد طلع من الباب الثاني،، وقلت للشيخ ابو عمامة الجبيره اريد ازورك بغداد واعتذر، وذاك زين وهذا اعذره مشغول وطلع بالتلفزيون حدث ويسولف بيه يابه انت شفته الخبر قال لا مرتي سولفتلي.
هذوله هواي منهم يوقع بورقة الانتخاب ويعطي صوته رخيص ويتقشمر ابحلقومه ويمدح حمديه الحسيني، وبعدين يلعن ابو الانتخابات ويستفاد من شيخ فلان المهم هو مصلحته وشكد يدفعله شيخ فلان حفظه الله ورعاه.
والشريف والواضح واللي مايطخ راس محتار بعيشته وعيشة عياله ظلت للوكيه والهابطين .
في يوم من الايام هجم الذيب عالغنمات مالت العرب، فهرعت الچلاب مالت القرية وره الذيب هو يركض وهيه وراه وبعد ما تعبت رجعت الچلاب للقرية إلا چلب واحد ضل يطارد بالذيب هناك تعب الذيب .
فوگف وگال للچلب ، انت چلب صاحب الغنم ؟
گاله : لا .
الذيب گاله أنت چلب شيخ القرية ؟
گاله : لا .
الذيب گاله أنته چلبمن ؟؟؟! خبلتني !!!! .
گاله أنا چلب الحايچ .
فگاله الذيب ((ولك چلب ابن الچلب اليوم أسويك ثريد وعبره لكل چلاب الديره صارلك ساعة تركض وراي والحايج حتة صخلة ما عندة )) .
هسه أكو جماعة يدافعون عن السياسيين والفاسدين والعملاء وهمة كاتلهم الجوع وحتى صخلة ماعدهم وحتى بالفيس مالتة مكنك على الجيران ماعندة فلوس أشتراك ؛؛؛؛ خايب تكعد ؛؛؛ دستچن ؛؛؛ حير بعيشتك.
